olicia e Shtetit në Shqipëri ka finalizuar operacionin “Formacioni”, duke kapur disa persona, pjesë e një grupi kriminal të dyshuar për vjedhje në Fushë Krujë përcjell Gazeta Papirus.
Nga ky grup, janë arrestuar katër persona, ndërsa tre të tjerë janë shpallur në kërkim.
Njëri prej të arrestuarve është gjithashtu në kërkim për dy vepra të tjera penale.
Sipas njoftimit të Policisë, të arrestuarit janë A. B., 24 vjeç (në kërkim edhe për veprat penale “Shkatërrimi i pronës” dhe “Largimi nga vendi i aksidentit”), G. L., 33 vjeç dhe K. B., 29 vjeç, të gjithë banues në Kamzë.
“Një nga të arrestuarit, shtetasi K. B., u kap në flagrancë teksa drejtonte pa leje një automjet të marrë me qira, të cilin grupi e kishte përdorur për të kryer vjedhjet dhe për t’u larguar nga vendngjarjet. Automjeti u sekuestrua si provë materiale. U shpallën në kërkim shtetasit G. V., 22 vjeç, L. K., 33 vjeç dhe F. B. (D.), 33 vjeç, gjithashtu banues në Kamzë. Gjithashtu, si pjesë e këtij grupi u identifikua dhe shtetasi A. R., i arrestuar më herët nga Policia për vjedhje”, thuhet në njoftimin e Policisë.
Nga hetimet e kryera, dyshohet se më datë 27.03.2025, shtatë hajnat, në bashkëpunim me njëri-tjetrin, kanë vjedhur 16,000 lekë në një subjekt për transfere parash. Më datë 28.03.2025, 6 prej tyre kanë vjedhur 21 celularë në një dyqan.
