Nënkryetari i AAK-së, Pal Lekaj, ka bërë me dije se kryeministri Albin Kurti duhet ta nënshkruajë marrëveshjen me Serbinë më 18 mars.
Në një intervistë për ABC News, ai ka thënë se AAK-ja i ka dhënë mbështetjen e duhur këtij dokumenti.
Megjithatë, ai e ka pranuar se Plani i BE-së në disa pika që nuk janë shumë t pranueshme as për partinë e tij.
“Ne si AAK i kemi thënë PO asaj marrëveshje, por me disa pika që janë dukur jo shumë të pranueshme siç është asociacioni apo statusi i kishës serbe, por në tërësi kemi parë se është e dobishme dhe e njeh Kosovën si shtet të pavarur de juro. Kemi treguar pjekuri politike, dhe nuk e bëjmë këtë për elektorat. Duhet të nënshkruhet kjo marrëveshje, normalizon marrëdhëniet, dhe hap rrugën e Kosovës për njohje”, ka thënë Lekaj.
Ai ka treguar se problematik mbetet edhe aneksi i marrëveshjes, i cili nuk është bërë publik ende.
“Ajo që vë në pikëpyetje marrëveshjen është aneks-marrëveshja që nuk e kemi parë si dokument nuk është miratuar në Kuvend, qeveria e faktori ndërkombëtar janë treguar të heshtur. I mbetet Kurtit të firmosë apo jo, ne si AAK i themi se duhet të nënshkruhet dhe të kemi vëmendje sa i përket aneksit të kësaj marrëveshje”, është shprehur Lekaj.
