Anëtari i kryesisë së PDK-së, Zenun Pajaziti vlerëson se ish-presidenti Hashim Thaçi nuk ka qenë asnjëherë kundër bisedimeve për dialog me Serbinë.
Ai thotë se Thaçi e kishte marrë procesin e dialogut më gjithëpërfshirës.
“Hashim Thaçi nuk ishte asnjëherë kundër bisedimeve…e para, Hashim Thaçi si kryeministër në përgjithësinë e tij për dialogun ka qenë konsistent gjithmonë, madje procesin e dialogut, e kishte më gjithëpërfshirës”, deklaroi ai në “Info Nata”.
Sipas tij, Kosova ka tani një kryeministër i cili “ka ndryshuar në gjithçka”.
“Çështja e dialogut erdhi edhe në një kohë në të cilën opinioni ose partnerët ndërkombëtarë, e institucionet e BE-së dhe SHBA janë më të interesuara që Serbia të mos shkojë me Rusinë…përveç që kemi një kryeministër që ka ndryshu në gjithçka, asnjë premtim se ka mbajt, a po e shihni si po e arsyeton tash këtë punën e Zajednicës”, potencoi ai.
Ai shtoi se u vjen mirë që kryeministri Albin Kurti, tani dialogun nuk e ka pikën e pestë, gjashtë e shtatë.
