Presidentja e Republikës së Kosovës, Vjosa Osmani, ka uruar krerët e Republikës së Shqipërisë për marrjen e Presidencës së Këshillit të Sigurimit të Organizatës së Kombeve të Bashkuara.
Përmes një postimi në platformën X [ish-Twitter], Osmani ka thënë se në këtë kohë vendimtare për paqen dhe sigurinë është e rëndësishme të qëndrojmë bashkë në promovimin e vlerave të përbashkëta demokratike.
“Suksese Presidentit Bajram Begaj, Kryeministrit Edi Rama, Misionit të Shqipërisë në OKB me marrjen e Presidencës së KS të OKB-së nga Shqipëria. Në këtë kohë vendimtare për paqen dhe sigurinë, është e rëndësishme që ne të vazhdojmë të qëndrojmë të bashkuar në promovimin e vlerave tona të përbashkëta demokratike globalisht”, shkroi ajo.
/GazetaPapirus/
