Presidentja e Kosovës, Vjosa Osmani ka përkujtuar 24 vjetorin e masakrës në fshatin Tërrnje të Suharekës.
Osmani ka thënë se nga kjo regjimi serb ka masakruar 46 fëmijë, gra e burra në këtë masakër.
E para e shtetit ka thënë se edhe pas dy dekadave nga ajo ditë tmerri, kujtimi për ta mbetet i përhershëm.
Postimi i plotë:
24- vjet më parë, forcat e regjimit gjenocidal të Serbisë u futën në fshatin Tërrnje të Suharekës në orët hershme të mëngjesit dhe masakruan 46 fëmijë, gra e burra.
Kjo shpërfaqë egërsinë e regjimit kriminal serb, i cili pati për cak banorët civilë, pavarësisht moshës.
Më shumë se dy dekada pas kësaj dite tmerri, kujtimi për ta mbetet i përhershëm.
Asnjëherë nuk do të lejojmë që të harrohet kjo masakër, sikurse edhe të gjitha të tjerat në gjithë Kosovën. Të vërtetën për to do ta themi dhe ta mbrojmë kudo.
Qoftë i përhershëm kujtimi për të vrarët e Tërrnjes!
