Presidentja e Republikës së Kosovës, Vjosa Osmani, ka nisur vizitën shtetërore në Brunei, e ftuar nga Sulltan Haxhi Hassanal Bolkiah, Sulltan i Bruneit.
Kjo vizitë shtetërore, shënon vizitën e parë ndonjëherë të kreut të shtetit të Kosovës në këtë shtet të Azisë Juglindore.
“Mirënjohëse për mikpritjen e ngrohtë dhe respektin që i bëhet Republikës së Kosovës nga shteti mik i Bruneit. Një fillim i mbarë për një vizitë me rëndësi të veçantë, e nivelit më të lartë shtetëror, me ftesë të Sulltanit të Bruneit, i cili është një përkrahës i madh i shtetit dhe popullit tonë”, ka shkruar Osmani.
