Presidentja e Kosovës, Vjosa Osmani, i ka thurrur lavde të mëdha këngëtares së mirënjohur Shkurte Fejza, duke vlerësuar se kënga e saj “jehon cep më cep hapësirës shqiptare” dhe se ajo në jetëgjatësinë e saj muzikore “është shndërruar në zë të lirisë”.
Postimi i Osmanit:
Zëri i Shkurte Fejzës për gjysmë shekulli jehon cep më cep hapësirës shqiptare. “Xhamadani vija-vija” dhe “Mora fjalë”, janë himnet tona të përbotshme, të përjetësuara nga zëri magjik i të madhes sonë. Në kohët më të vështira kur synohej shfarosja jonë, ajo i dha gjithë popullit të Kosovës zë nëpërmjet këngës. U shndërrua në zërin e lirisë!
Urime për 50 vite të arta Shkurte Fejza! Të këndoftë zemra përgjithmonë!
