Presidentja e Kosovës, Vjosa Osmani-Sadriu, ka reaguar për ngjarjen e rëndë në Pejë, ku nga vërshimet e mbrëmshme, kanë humbur jetën nëna me të birin 5-vjeçar.
Presidentja Osmani, përmes rrjetit social Facebook, ka shprehur ngushëllime të thella familjarëve.
I shpreh ngushëllimet më të thella familjarëve, miqve, kryetarit të komunës, Gazmend Muhaxheri,si dhe gjithë qytetarëve të komunës së Pejës për këtë humbje të madhe e kaq tragjike, duke shtuar se humbja e dy qytetarëve tanë si pasojë e vërshimeve në Pejë ka tronditur gjithë Kosovën.
“Forca e Sigurisë së Kosovës dhe gjithë institucionet e tjera që merren me emergjenca të tilla janë në Pejë që nga mbrëmë duke ofruar ndihmën dhe përkrahjen e tyre. Në këto momente të rënda, është me rëndësi që përkrahja të vazhdojë në mënyrë që komuna e Pejës të përballojë dhe të rikuperohet nga kjo situatë e vështirë e tragjike”, ka shkruar, mes tjerash, presidentja Osmani
