Në uebsajtin “ISHJ.org” – të pretenduar për institut – teleanalisti Sadri Ramabaja u ka rënë toneve të frikshme të alarmit në raport të një eventualiteti përplasës ushtarakisht me Serbinë për çka edhe kërkoi që “opinion të përgatitet për më të keqen” dhe se “FSK-ja duhet të forcohet, armatoset”.
Përfundimi i kolumnes së Ramabajës është edhe më tonik kur thotë se “Paqja fitohet nëse pregaditesh për luftë”.
“Forcimi i FSK-së — armatimi i saj me armët më moderne të mundshme dhe pregaditja e opinionit për më të keqen e mundshme — për përplasjen e re; aplikimi i sanksioneve ndaj Serbisë [heqja urgjente e tyre ndaj Kosovës] dhe “ngrirja” e pozicionit të Serbisë në procesin drejt BE-së, duhet t’i tregojnë Beogradit se kostot dhe përfitimet, në rast të këmbënguljes së mëtejshme për rikthim në Kosovë, janë joproporcionale”, ka shkruar Ramabaja.
