Policia e Kosovës ka njoftuar se pas hetimeve disa mujore, kanë kryer dhe një aksion ku kanë arrestuar 5 persona të cilët dyshohen për ‘shtytje në kryerjen e veprës terroriste dhe mbajtje në pronësi, kontroll ose posedim të paautorizuar të armëve’, shkruan Gazeta Metro.
Operacioni ishte zhvilluar në tri komuna të vendit, në Prishtinë, Gjilan dhe Pejë.
Po ashtu janë sekuestruar 3 revole, një armë automatike AK-47, një pushkë rekreative, dhe disa pajisje elektronike.
Aksioni është zhvilluar nga Drejtoria Kundër Terrorizmit e Policisë Kosovës, në koordinim me Prokurorinë Speciale.
Drejtoria Kundër Terrorizmit, në koordinim me Prokurorinë Speciale, pas hetimeve disamujore, ka ndërmarrë operacion policor në gjashtë lokacione, në rajonin e Pejës, Prishtinës dhe Gjilanit, për zbatimin e urdhëresës për kontroll, të lëshuar nga Gjykata Themelore në Prishtinë, Departamenti Special. Si rezultat i këtij operacioni, nën dyshimin e kryerjes së veprave penale ‘shtytje në kryerjen e veprës terroriste, sipas nenit 134 të KPRK-së’ dhe ‘mbajtje në pronësi, kontroll ose posedim të paautorizuar të armëve’, sipas nenit 366 të KPRK-së, janë arrestuar pesë persona të dyshuar (L. B., B. V., E. B., A. H. dhe A. S.), ndaj të cilëve janë duke vijuar procedurat ligjore.
Njoftimi i plotë:
Arrestohen pesë (5) persona të dyshuar për ‘shtytje në kryerjen e veprës terroriste dhe
‘mbajtje në pronësi, kontroll ose posedim të paautorizuar të armëve’
Drejtoria Kundër Terrorizmit, në koordinim me Prokurorinë Speciale, pas hetimeve
disamujore, sot, me datën 15/05/2023, ka ndërmarrë operacion policor në gjashtë
lokacione, në rajonin e Pejës, Prishtinës dhe Gjilanit, për zbatimin e urdhëresës për
kontroll, të lëshuar nga Gjykata Themelore në Prishtinë, Departamenti Special.
Si rezultat i këtij operacioni, nën dyshimin e kryerjes së veprave penale ‘shtytje në
kryerjen e veprës terroriste, sipas nenit 134 të KPRK-së’ dhe ‘mbajtje në pronësi,
kontroll ose posedim të paautorizuar të armëve’, sipas nenit 366 të KPRK-së, janë
arrestuar pesë persona të dyshuar (L. B., B. V., E. B., A. H. dhe A. S.), ndaj të cilëve
janë duke vijuar procedurat ligjore.
Të dyshuarit e lartcekur janë të njohur për Policinë e Kosovës, si të dyshuar për
përfshirjen e tyre të mëparshme në disa vepra tjera penale në rajonin e Pejës.
Në cilësinë e provave dhe dëshmive materiale janë sekuestruar:
∙tri (3) revole,
∙një armë automatike AK-47,
∙një armë rekreative pneumatike,
∙pajisje elektronike dhe dëshmi tjera relevante lidhur me rastin./gazetametro.net
Me urdhër të prokurorit të Prokurorisë Speciale, të dyshuarit ndalohen në ndalim
policor, në kohëzgjatje prej 48 orëve.
