Në media sot ka qarkulluar një dokument, që thuhet se është deklarata e zëvendësministrit aktual të Mjedisit, Hysen Durimishi në vitin 1998 para Policisë së Serbisë në Ferizaj lidhur Ushtrinë Çlirimtare të Kosovës.
Në këtë deklaratë që raportohet nga disa media se është e Durmishit jepen të dhëna lidhur me Ushtrinë Çlirimtare të Kosovës, në Suharekë.
Dokumenti është në gjuhën serbe, ndërkaq këtë dokument e ka shpërndarë në profilin e tij në Facebook edhe deputeti Haki Abazi me mbishkrimin: ” Ka ndonje koment! ”
Pas publikimit të kësaj deklarate, ka menjëher edhe reagimi i shpejtë dhe i ashpër i zëvendësministrit Durmishi, i cili tha se nuk shantazhohet dot nga UDB dhe bashkëpunëtorët e tyre, ndërsa thotë se dokumenti është i falsifikuar.
Reagimi i plotë i Durmishit:
Nuk shantazhohem dot nga UDB dhe bashkëpunëtorët e tyre
Aktivitetin tim politik e në shërbim të atdheut e kam filluar para plot 36 vjetëve. Isha 16 vjeçar në atë kohë. Si 17 vjeçar u përjashtova nga shkolla dhe m’u ndalua shkollimi në gjithë Jugosllavinë e asaj kohe për shkak të organizimit të demonstratave të marsit të vitit 1989. Që nga ajo kohë e deri më sot nuk jam ndalur kurrë.
Dhe sot me bindje të thellë e theksoj që jam krenar për gjithçka kam bërë gjatë veprimtarisë sime. As edhe një gjë më të voglën nuk e kisha ndryshuar nga veprimet e mia deri më sot. Si nxënës isha në ballë të demonstratave dhe organizator i tyre, si student isha në ballë të demonstratave dhe organizator i tyre duke qenë kryetar i Unionit të Pavarur të Studentëve të fakultetit të Ndërtimtarisë dhe Arkitekturës.
Duke qenë student rashë në kontakt me ushtarë të UÇK-së së pari në zonën e Drenicës dhe përfundimisht u rreshtova si ushtar i UÇK-së me 26 qershor të vitit 1998 në batalionin e dytë të Budakovës nën komandën e komandantit Sadik Halitjaha.
Kam qenë një ushtar që kam kryer detyra dhe respektuar urdhrat ushtarak me përpikëri dhe për këtë mund të deklarohen të gjithë ata që kanë qenë me mua në atë kohë. Jam arrestuar më 18 shtator të vitit 1998 bashkë me një shok timin të plagosur dhe kam kaluar nëpër burgjet në Kosovë e Serbi deri më 19 shtator të vitit 2000.
Jam arrestuar në hyrje të Ferizajt në një pritë të organizuar. Ishim nisur për në Prishtinë me detyrë përmes një vendimi të lëshuar nga komandanti im Sadik Halitjaha. Atë vendim e kam pasur me vete kur jam arrestuar dhe për të mos rënë në dorë të policisë e kam gëlltitur.
Ndersa posht mund ta shihni dokumentin për të cilin bëhet fjal.
