Futbollisti algjerian Jaouen Hadjam është larguar nga lista e të ftuarve e Nantes për ndeshjen ndaj Reims, pasi refuzoi ta prishte agjërimin e Ramazanit.
Hadjman nënshkroi kontratë trevjeçare pasi iu bashkua nga Paris FC në afatin kalimtar të janarit.
Algjeriani zhvilloi nëntë paraqitje në Ligue 1 për Nantes, mirëpo nuk ishte i ftuar për ndeshjen ndaj Reims. Trajneri Antoine Kombouare ka konfirmuar se arsyeja kryesore është agjërimi.
“Jam trajner, vendosi rregullat në vend. Gjatë javës nuk ka problem nëse lojtarët agjërojnë“.
“Jam i gatshëm t’i ndihmoj dhe t’i mbështes nëse duhet. E dimë që nuk është kohë e lehtë. Por në ditën e ndeshjes, nuk duhet të agjërosh dhe ata që agjërojnë nuk janë në skuadër. Nuk dua që ata të lëndohen“.
“Është zgjidhja e tij dhe unë e respektoj. Kjo nuk është sanksionim, por unë kam një kornizë“, deklaroi ai.
Kombouare shtoi se futbollistë e tjerë myslimanë që janë në skuadër pranuan ta prishin agjërimin e Ramazanit para ndeshjes ndaj Reimsin.
Thuhet se Hadjam pranoi ta prishte agjërimin në ndeshjet si mysafir, por jo vendas, që nënkupton se pritet të mungojë në përballjen gjysmëfinale ndaj Lyonit të mërkurën.
