Kanë përfunduar garat edhe për Nora Gjakovën, e cila e mbyll Kampionatin Botëror në vendin e shtatë.
Nora, e cila garoi të martën në kategorinë deri 57 kilogramë, xhiron e parë e kaloi pa luftë, ndërsa në të dytën e mposhti italianen, Thauany Capanni Dias.
Në çerekfinale, Nora u mposht nga turkja Hasret Bozkurt, derisa në luftën e parë të repesazhit humbi nga Mimi Huh e Koresë së Jugut për të mbetur pa medalje.
Dje garoi edhe Distria Krasniqi, e cila u rëndit e pesta, kurse sot Akil Gjakova mposht në rrethin e tretë, derisa Flaka Loxha u ndal në ndeshjen e parë.
