Rap-artisti nga Shqipëria, Noizy, ditën e sotme (e premte) ka publikuar me videoklip këngën e tij tashmë hitin “Jena Mbretër 2”.
Kënga, e cila vjen si vazhdim i “Jena Mbretër” që e solli vite më parë, tani ndodhet e plotë në kanalin YouTube.
Ky projekt veçse është bërë viral në rrjete sociale e më së shumti në platformën e popullarizuar, TikTok.
Përveç në YouTube, kënga u lansua edhe në platforma të tjera si: iTunes dhe Spotify.
Një pjesë e klipit është marrë nga koncerti që mbajti pak ditë më parë në sheshin “Nënë Tereza” për të promovuar albumin “Alpha”.
Kënga veç tjerash pati edhe komente të shumta pozitive nga fansat e dashamirësit e muzikës së Rigels Rajkut (emri i plotë).
Pak pas publikimit, “JMB 2” theksojmë që arriti të grumbullojë mbi 70 mijë klikime.
