Dje është raportuar se Qeveria e Kosovës ka nisur procedurat për largimin e kryetarëve të zgjedhur në veri të Kosovës dhe shpalljen e zgjedhjeve të reja.
Kryeministri i Republikës së Kosovës, Albin Kurti pas pajtimit që bëri për shtensionim të situatës në veri të vendit, Ministria e Administrimit të Pushtetit Lokal si përgjegjëse e çështjeve të pushtetit lokal ka filluar me përgatitjen e procedurave që do të mundësonin largimin e kryetarëve nga komunat veriore, shkruan Gazeta Papirus.
Por sa i takon kjo Qeverisë?
Gazeta Papirus, ka pyetur njohësin e çështjeve juridike njëherësh avokatin Xhevdet Smakiqi. Ai e quajti një veprim të dëmshëm dhe qesharak, për faktin se Qeveria ka kompetenca tjera, kurse presidences i takon shpallja e zgjedhjeve, madje me kryerjen e disa procedurave paraprake.
“Nuk ka asnjë bazë kushtetuese as ligjore Udhëzimi Adiminstrativ i tentuar nga Qeveria për shpallljen e zgjedhjeve në katër komunat e Veriut të Kosovës. Kushtetuta dhe Ligji për zgjjedhjet lokale i jep kompentenca Presidentes që të shpall zgjedhjet me dakordim konsulitim të partive politike, kur kryetarëve të Komunave u ka skaduar mandati 4 vjeçar dhe apo në rastin kur kanë dhënë dorëheqje apo kur vdes, apo kur kryetari për shkaqe shëndetsore e humb aftësinë e ushtrimit të funksionit”, tha ai.
Tutje shtoi: “Tentativat e Kryeministrit Kurti për t’i ri organizuar, ri shpallur zgjedhjet në Veri kur tash kemi në funksion formal juridik katër kryetarët e zgjedhur pa dhënë dorëheqja janë improvizime politike. Janë përzierje të Kryeministrit në kompetencat e Presidentit dhe KQZ-së. Prandaj janë edhe të dëmshme edhe qesharake”.
/Gazeta Papirus/
