Gazetari Kreshnik Gashi ka treguar se si ndodhin konfliktet në kafenetë e muzikës në debatin ku po diskutohet për vrasjen e fundit të kuksianit Visart Cengu pas një zënke në lokalin “Cobra City” në Prizren.
Gashi ka thënë se flitet që në lokale të tilla ka njerëz shpenzojnë nga 30 deri në 40 mijë euro për një natë.
“Historitë urbane tregojnë se në këto lokale njerëzit paguajnë deri në 30-40 mijë euro për një natë. Pra këtu nuk flitet për vende si diskotekat e Prishtinës ku një shishe alkool kushton 2000 euro, por për njerëz që lënë mijëra euro në formë bakshishi etj”, ka thënë ai në Pressing.
