Policia e Kosovës ka njoftuar se në orët e hershme të mengjesit ka ndodhur një aksident në Prizren ku si pasojë ka humbur jeten një këmbësore e cila është goditur nga një veturë.
Aksidenti ka ndodhur rreth orës 05:30, në rrugën “Ismail Kryeziu” në Arbanë të Prizrenit.
“Sot, rreth orës 05:30, në rrugën “Ismail Kryeziu” në Arbanë të Prizrenit ka ndodhur një aksident trafiku në të cilin ka pësuar një këmbësore e vitlindjes 1961. Ngjarja ka ndodhur në afërsi të pompës së karburanteve “SHELL”, njoftoj policia.
Viktima me autoambulancë ishte sjell në Emergjencën e Spitalit Rajonal në Prizren mirëpo mjekët kanë thënë se e njëjta kishte arritur pa shenja jete.
Në vendin e ngjarjes ka dalë prokurori i shtetit dhe me urdhër të tij trupi i pajetë është përcjell për autopsi ndërsa ngasësi i automjetit është arrestuar dhe ndaluar për procedura të më tejme.
