Kryeministri i Kosovës, Albin Kurti, është thumbuar nga ish-këshilltari i tij Shkëlzen Gashi në lidhje me peshën e madhe të librave që detyrohen të mbajnë fëmijët e shkollave fillore.
Sipas Gashit, 6.5 kilogramë ka qenë pesha e librave që djali i tij në klasën e gjashtë mbante në shpinë.
Në këtë kontekst, Gashi ka thumbuar Kurtin duke shkruar se ka filluar të shqetësohet për kurrizin e vajzës së kryeministrit, e cila po studion në Norvegji.
Postimi i plotë:
djali e ka kry klasën e gjashtë e u dashtë me i kthy në shkollë krejt librat e klasës së gjashtë.
para se me i çu në shkollë, isha tu mendu – jo për përmbajtjen, se ajo po dihet që e zibidishme – po sa shumë libra dhe sa të randë, prandaj vendosa me i peshu: 6.5 kg.
mandej ja nisa me mendu për librat me të cilët mëson në norvegji çika e kryeministrit tonë – jo për përmbajtjen e tyre, se ajo po dihet që e jashtëzakontë – po për peshën e tyre. fillova me u shqetësu për kurrizin e çikës të kryeministrit…
p.s.
meqë ra fjala, djali s’ka kalu krejt 5-she. rrush prej 3-ve dhe jam shumë i lumtun për këtë.
