Emisarët specialë të SHBA-së dhe BE-së, Gabriel Escobar dhe Miroslav Lajçak, sapo kanë kanë filluar takimin me kryeministrin Albin Kurti.
Takimi i tyre nisi rreth orës 17:30 në ndërtesën e Qeverisë.
Vizita e tyre vjen në mes të tensioneve të reja në veri të vendit. Për situatën aktuale dhe për dialogun Kosovë-Serbi, dyshja pritet të udhëtojë edhe drejt Serbisë.
Escobar, në një intervistë për REL, ka komentuar kërkesën e Serbisë për kthimin e ushtarëve të saj në Kosovë.
Ai tha se këtë e kundërshtojnë kategorikisht, derisa e theksoi se Kosova ka garanci shumë të forta sigurie nga SHBA-ja.
“Ne e hedhim poshtë këtë kategorikisht. Ne nuk e mbështesim këtë fare. Kosova ka garanci të forta sigurie nga Shtetet e Bashkuara të Amerikës, të manifestuar përmes pjesëmarrjes në KFOR”, tha ai.
