Prokuroria Themelore e Prishtinës, ka bërë të ditur se ka ngritur aktakuzë ndaj zëvendësministres së Punëve të Jashtme dhe Diasporës, Liza Gashi, të cilën e ngarkon për veprën penale mosraportimi ose raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare.
Zëdhënësja e Prokurorisë Themelore të Prishtinës, Laureta Ulaj, ka treguar se aktakuza është ngritur më 15 qershor të vitit të kaluar.
Ju njoftojmë lidhur me kallëzimin penal kundër L.G., në drejtim të veprës penale mos raportimi ose raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare, Prokurori i Shtetit, pas zhvillimit të hetimeve, më 15 qershor 2022, ndaj personit të lartcekur ka ngritur aktin akuzues”, ka thënë Ulaj.
