Ngjarjet e djeshme në Kosovë, të cilat u paralajmëruan disa orë më parë, janë pa dyshim, si shumë herë më parë, plotësisht në përputhje me skenarin propagandistik ruso-serb.
Kush i hapi titujt e portaleve ruse mëngjesin e djeshëm, të cilat u raportuan me nxitim nga mediat serbe të afërta Aleksandar Vuçiqit, mund t’i kishte marrë me mend ngjarjet e pasdites.
Duke folur nga Afrika e Largët në Kenia, Ministri i Jashtëm rus Sergei Lavrov paralajmëroi se për shkak situatës në Kosovë po përgatitet një “Shpërthim i madh ” në Evropë.
“Situata rreth përshkallëzimit të fundit të konfliktit mes Serbisë dhe Kosovës është alarmante, duket se në qendër të Evropës është duke u përgatitur një “Shpërthim i madh”, tha Lavrov nga Nairobi, njoftoi Ria Novosti.
Por Perëndimi, vazhdoi Lavrov, është angazhuar në vartësi të plotë të të gjithë atyre që shprehin disi mendimin e tyre. “Kjo nënvizon edhe një herë nevojën për një zgjidhje gjeopolitike që do të siguronte, nëse po flasim për Evropën, siguri të barabartë të pandashme për të gjitha shtetet dhe që do të thoshte se asnjë bllok, përfshirë NATO-n, nuk ka të drejtë të kërkojë dominim në këtë pjesë të planetit,” tha Lavrov.
Agjencia ruse kujton se ministri serb i Mbrojtjes, Millosh Vuçeviq, raportoi të dielën se tensionet në Kosovë kishin arritur maksimumin dhe mund të rezultojnë në një konflikt të armatosur.
Një agjenci e afërt me Kremlinin përsëriti se Këshilli i Sigurisë Kombëtare i Serbisë njoftoi të shtunën se “kontingjenti i NATO-s në Kosovë, KFOR, nuk ka vepruar në përputhje me autoritetin e tij të përcaktuar në Rezolutën 1244 të Këshillit të Sigurimit” dhe se të premten Presidenti serb e vendosi ushtrinë në gjendjen e gatishmërisë maksimale luftarake për shkak të situatës në Kosovë dhe për shkak të ‘hapave të njëanshëm të ndërmarrë nga Prishtina’”.
Mediat ruse pretendojnë se pjesëtarët e policisë së Kosovës kanë pushtuar të premten me forcë ndërtesat e komunave Leposaviq, Zubin Potok dhe Zveçan në veri të Kosovës, duke përdorur gaz lotsjellës dhe granata trullosëse.
Dhe në fakt nuk bëhet fjalë për pushtimin “e dhunshëm” të objekteve në komunat e përmendura, por për marrjen e detyrave të kryetarit të komunës të nacionaliteti shqiptar në përputhje me zgjedhjet legjitime në zgjedhjet e Prillit në ato komuna.
Mirëpo, pas” rekomandimit ” të vitit të kaluar të autokratit serb Vuçiq dhe strukturave të tij kriminale në Kosovë, pjesëtarët e komunitetit serb bojkotuan zgjedhjet e jashtëzakohshme lokale më 23. Prill. Në përputhje me politikën e tij, kreu i shtetit serb, sipas mediave të afërta me Kremlinin, i kërkoi NATO-s që “urgjentisht të ndalojë dhunën ndaj Serbëve” në Kosovë.
Kujtojmë se Kfor e prishi protestën e djeshme para ndërtesës së Komunës në Zveçan kur pati përplasje mes forcave të KFOR-it dhe qytetarëve të mbledhur, u hodhën bomba trullosëse dhe gaz lotsjellës, si dhe gjuajtën edhe gurë e shishe. Më shumë se 53 persona kanë pësuar lëndime të ndryshme nga granatat trullosëse, gazi lotsjellës dhe goditjet, dhe tre janë mbajtur në spital, sipas raporteve të mediave.
Gazeta italiane ” Repubblica” raportoi se 41 pjesëtarë të KFOR-it u lënduan, 11 prej tyre Italianë.
Një lloj i ngjashëm përleshjeje mes Serbëve dhe forcave të KFOR-it në veri të Kosovës është parë në vitin 2011. gjatë mandatit të Boris Tadic, kur të paktën 23 ushtarë të KFOR-it u lënduan në disa sulme të kryera nga Serbët pas heqjes së barrikadave pranë vendkalimit Brnjak. Dhunën e fundit në veri të Kosovës e kanë dënuar NATO-ja, shefi i misionit të BE-së në Kosovë, anëtarët e Quint-it, ambasadorët e SHBA-së dhe Britanisë.
Gjatë fjalimit të tij drejtuar kombit mbrëmë, presidenti serb kërcënoi:”Nëse okupatori shqiptar qëllon mbi Serbët, situata do të jetë ndryshe”. Ashtu si vitin e kaluar, ai njoftoi se do të shkonte në kufirin me Kosovën ku do të kalonte natën dhe do të “monitoronte situatën”.
Vuçiq, siç u raportua më herët nga Kommersant rus, parashikoi se situata në Kosovë do të përkeqësohej. Një konflikt mund të ndodhë, tha ai, për shkak të dëshirës së “Kryeministrit Kurti që ‘Të jetë Volodymyr Zelensky’ dhe “Serbët nuk mund ta tolerojnë më këtë”.
Ai parashikoi ” situatën më të vështirë në Kosovë, diçka që nuk e kemi parë deri më tani, e gjitha për shkak të deklaratave provokuese dhe sjelljes tmerrësisht të papërgjegjshme të Albin Kurtit… Kam frikë nga përplasjet e mëdha.”
Media ruse Argumenti dhe Fakti shkruan se Serbia është sërish e shqetësuar dhe se situata në Kosovë është përshkallëzuar. “Atje, forcat speciale të Kosovës përdorën forcë kundër protestuesve Serbë. “Kjo histori, kujton media ruse, filloi në dhjetor të vitit të kaluar, “kur Serbët u tërhoqën nga pushteti lokal në shenjë proteste kundër veprimeve të autoriteteve të Kosovës”.
Edhe pse, shkruan më tej, duket se nuk ka asgjë të përbashkët mes protestave për vrasjet masive në Beograd dhe situatës në Kosovë, këto ngjarje janë të lidhura.
“Vuçiq është në konflikt me Perëndimin dhe veprimet ushtarake kundër komunitetit serb në Kosovë tregojnë se ka një histori që mund të kryhet në mënyrë të keqe për Serbinë. Nuk ka gjasa që protestat në Serbi kundër Vuçiqit të çojnë në dorëheqjen e tij. Mirëpo, ka mundësi që ta shtynë liderin serb të largohet nga posti i presidentit të partisë SNS në pushtet”, shkruan kjo media ruse./The Geopost
