I dërguari i BE-së për dialogun Kosovë-Serbi, Miroslav Lajçak, ka takuar diplomaten zvicerane, Livia Leu, me të cilën ka diskutuar për ecurinë në dialogun Kosovë-Serbi.
Miroslav Lajcak, i dërguar i Bashkimit Europian për dialogun Kosovë-Serbia, ka bërë sërish një përmbledhje të takimeve të tij të javës që lamë pas, ku takimin mes kryeministrit Albin Kurtit dhe presidentit Aleksandar Vucic, e cilësoi si ngjarjen më të madhe, shkruan Gazeta Metro.
Kështu ka thënë Lajcak në Facebook, ku ka shtuar se, ai është i kënaqur që Kurti dhe Vucic ranë dakord të punojnë së bashku për të sqaruar vendndodhjen e njerëzve që u zhdukën gjatë luftës.
‘‘Ngjarja më e madhe e javës ishte padyshim takimi i Dialogut të Nivelit të Lartë i organizuar nga HR/VP evropian dhe i asistuar nga unë, i cili u zhvillua të martën e kaluar. Presidenti Vuçiq dhe kryeministri Kurti u takuan në Bruksel për të diskutuar një çështje vendimtare të personave të zhdukur. Jam i kënaqur që të dy udhëheqësit ranë dakord të punojnë së bashku për të sqaruar vendndodhjen e njerëzve që u zhdukën gjatë luftës. Ne mirëpresim miratimin e palëve të deklaratës për personat e zhdukur dhe presim që ato të bëjnë përparim në mbylljen e rasteve të pazgjidhura të personave të zhdukur. Kjo jo vetëm që do t’i ndihmojë familjet e tyre të gjejnë paqe, por edhe do të avancojë normalizimin ndërmjet Kosovës dhe Serbisë’’, ka deklaruar Lajcak ndër tjerash.
Ai ka deklaruar edhe se, palët kanë bërë një hap të rëndësishëm dhe simbolik drejt themelimit të Asociacionit së komunave me shumicë serbe.
‘‘Palët gjithashtu bënë një hap të rëndësishëm dhe simbolik drejt themelimit të Asociacionit/Bashkësisë së komunave me shumicë serbe. Megjithëse drafti i parë i paraqitur nga ekipi drejtues nuk është përfundimtar, ai është një pikënisje e rëndësishme për diskutimet e ardhshme në nivelin e Kryenegociatorëve’’, ka thënë Lajcak.
