Deputetët e Kuvendit të Kosovës nesër do të mblidhen sërish për të diskutuar për pikat e mbetura nga seanca e kaluar.
Në njoftimin e Kuvendit të Kosovës është theksuar se seanca do të fillojë nga ora 14:00, transmeton lajmi.net.
Në kuadër të pikave të rendit të ditës nga 36 sa ishin herën e kaluar, nesër startohet nga pika e 18-të.
Duhet përkujtuar që për një kohë të gjatë në kuadër të Parlamentit të Kosovës nuk janë zhvilluar seanca, e gjithë kjo në disa raste për shkak të mungesës së kuorumit në Kryesinë e Kuvendit, gjë kjo e cila ndikoi më pas në mos-marrjen e vendimit për thirrje të seancës.
Javën e kaluar ishte kryetari i Kuvendit të Kosovës, Glauk Konjufca i cili tha se thërret vetë seancën pasi një gjë e tillë ia lejon Kushtetuta.
Rendi i ditës:
18. Shqyrtimi i Propozim-vendimit për caktimin e pagës së Auditorit të Përgjithshëm të Republikës së Kosovës,
19. Shqyrtimi i kërkesës së Fondit të Kursimeve Pensionale për miratimin e taksave vjetore për vitin 2021,
20. Shqyrtimi i Raportit vjetor të Komisionit të Pavarur të Mediave për vitin 2020,
21. Shqyrtimi i Raportit vjetor të Zyrës së Rregullatorit për Energji për vitin 2020,
22. Shqyrtimi i Raportit vjetor të Agjencisë Kundër Korrupsionit për vitin 2020,
23. Shqyrtimi i Raportit vjetor të Auditimit të Buxhetit të Kosovëspër vitin 2020,
24. Shqyrtimi i Raportit vjetor për gjendjen e mjedisit në Kosovë për vitin 2020,
25. Shqyrtimi i Raportit vjetor të Fondit të Kursimeve Pensionale të Kosovëspër vitin 2020,
26. Shqyrtimi i Raportit vjetor të Agjencisë Kosovarepër Krahasim dhe Verifikim të Pronës për vitin 2020,
27. Shqyrtimi i Raportit me Rekomandime lidhur me Raportin e Auditimit për Pasqyratë Vjetore Financiare të Ministrisë së Punëve të Jashtme dhe Diasporës për vitin 2020,
28. Shqyrtimi i Raportit vjetor Financiar të Buxhetit të Republikës së Kosovëspër vitin 2020,
29. Shqyrtimi i Raportit vjetor të Autoritetit të Aviacionit Civil të Kosovëspër vitin 2020,
30. Shqyrtimi i Raportit vjetor të Ndërmarrjes Publike Operatori i Sistemit, Transmisionit dhe Tregut – KOSTT Sha.a. për vitin 2020,
31. Shqyrtimi i Propozim-vendimit të Qeverisë për miratimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “KOSMONTE FOODS” Sh.P.K,
32. Emërimi i kryetarit dhe katër (4) anëtarëve të Bordit të Organin Shqyrtues të Prokurimit,
33. Emërimi i anëtarëve të Këshillit Kombëtar të Shkencës,
34. Formimi i Komisionit Ad-hoc për përzgjedhjen e kandidatëve për tre (3) anëtarë të Komisionit të Pavarur të Mediave (prej tyre dy (2) nga radhët e komunitetit shqiptar dhe një (1) nga radhët e komuniteteve jo shumicë),
35. Përzgjedhja e kandidatëve për anëtarë jo-ekzekutiv të Bordit të Bankës Qendrore të Republikës së Kosovës,
36. Zgjedhja e anëtarëve të Bordit të Komisionit të Pavarur për Miniera dhe Minerale, L.N
