Sheqeri është kthyer në një nga armiqtë kryesorë të një diete të shëndetshme, pasi gjendet në pothuajse çdo produkt ushqimor. Kjo e bën jashtëzakonisht të vështirë eliminimin e tij të plotë nga dieta ditore.
Megjithatë, për ata që arrijnë të kufizojnë ose të heqin dorë krejtësisht nga konsumi i tij, rezultatet janë mbresëlënëse dhe vërehen shumë shpejt.
Sheqeri nuk ka ndikim vetëm në peshën trupore – ai përbën rrezik edhe për shëndetin e zemrës. Të dhënat shkencore tregojnë se një konsum i lartë i sheqerit lidhet drejtpërdrejt me një rrezik më të madh për vdekje të parakohshme nga sëmundjet kardiovaskulare, transmeton Gazeta Papirus
Dhjami i barkut do të reduktohet
Konsumimi i tepërt i sheqerit, veçanërisht nga pijet e gazuara apo lëngjet industriale, është i lidhur me akumulimin e dhjamit në zonën e barkut – shpesh i quajtur “lifesaver” për shkak të formës që merr rreth belit.
Lëkura do të duket më e re
Kur sheqeri hyn në qarkullimin e gjakut, nxit procese që ndikojnë në elasticitetin dhe strukturën e lëkurës. Reduktimi i konsumit të tij mund të përmirësojë dukshëm pamjen e fytyrës, duke zbutur rrudhat dhe duke i dhënë lëkurës një shkëlqim më të freskët.
Ekspertët këshillojnë që edhe reduktimi i pjesshëm i sheqerit mund të ketë efekte të dobishme në organizëm – për një trup më të shëndetshëm dhe një pamje më rinore.
