Janë nënshkruar marrëveshjet e bashkëpunimit në mes të kryetarit të Prishtinës, Përparim Rama dhe atij të Obiliqit, Xhafer Gashi, për realizimin e projektit të Ngrohjes Diellore “Solar4Kosovo”.
“Qëllimi i kësaj marrëveshjeje në mes palëve nënshkruese është sigurimi i lokacionit për projektin e Ngrohjes Diellore “Solar4Kosovo”, në fshatin Shkabaj (Hadë e Re), e cila sipas ekspertëve të fushës është përcaktuar si vend ideal për realizimin e këtij projekti”, thuhet në njoftim.
Në pajtim me dispozitat e Ligjit për Bashkëpunim Ndërkomunal, këto marrëveshje do t’u dërgohen për shqyrtim dhe miratim, Kuvendeve Komunale te Komunave respektive.
Me këtë rast, Rama tha se realizimi i këtij projekti strategjik është i një rëndësie të veçantë për qytetarët e Kryeqytetit dhe për Komunën e Obiliqit.
