Të shtënat me armë zjarri mbrëmë rreth orës 23:00 në Kaçanik, lanë të vdekur ish-ushtarit e UÇK-së njëherit rreshterin e Policisë së Kosovës, Muhamed Lika.
Lika i cili sipas raportimeve në momentin kritik ndodhej në afërsi të banesës së tij në rrugën “Idriz Seferi”, u qëllua me disa plumba, gjatë kohës kur po hynte në ndërtesë.
Rasti e kanë konfirmuar edhe nga Policia e Kosovës.
“Në vendngjarje, përveç njësive policore, ka dalë edhe ekipi i emergjencës së Kaçanikut, të cilët e kanë transportuar në Qendrën e Mjekësisë në Kaçanik. Si pasojë e plagëve të marra pjesëtari i policisë ka ndërruar jetë, kjo është konstatuar nga mjekët në këtë qendër”, deklaroi policia.
Teksa dorasi është ende në arrati, ekipet policore janë vënë në kërkim të tij, me çrast GazetaDemos raporton nga terreni se në të gjitha hyrje-daljet e Kaçanikut po kontrollohen të gjitha veturat.
