Në pragë të festes së Bajramit-Kryetari i fshatit falenderim publik për të gjithë donatorët

FALËNDERIM PUBLIK PËR TË GJITHË DONATORËT QË KONTRIBUOJNË NË VAZHDIMËSI QË FAMILJET
KRUSHJANE TË KENË MIRËQENIE MË TË MIRË

Të dashur/a Krushjan/e kudo që jeni, ju miq e mikesha në mbarë Kosovën, jemi në natën e madhe të Fitër Bajramit, fundin e muajit të shenjtë të Ramazanit dhe në festën e Fitër Bajramit, me ç’rast dua të ju falënderoj secilin veq veq për kontributin e dhënë në vazhdimësi që familjet Krushjane dhe jo vetëm të kenë një mirëqenie edhe më të mirë.
Këto tri ditë treguan edhe njëherë se së bashku jemi më të fortë, se të qenurit afër njëri-tjetrit na bën më solidarar, më zemërgjerë dhe më të gatshëm për të ndihmuar padallim, me qëllim që familjet tona të kenë një mirëqenie edhe më të mirë. Mijëra euro para të gatshme (fitra për Bajram), dhjetra pako ushqimore si dhe ndihma të tjera duhen vlerësuar veq e veq nga gjithë ne, pasi që këto janë siguruar nga mundi, djersa e sakrifica e juaj qoftë në Kosovë apo në diasporë.

Andaj, gjithë ky kontribut i madh i juaj ka bërë të mundur këto dhe punët tjera të mira në fshat, e që dua t’i ndaj me ju, sepse gëzimi për familjet Krushjane ndodhi falë jush, duke theksuar se në vazhdën e aksionit për ndërtimin e shtëpive, shtëpisë së xhamisë si dhe shtëpisë tjetër e cila gadi është në përfundim, akoma po vazhdon.
Falënderimi shkon në veçanti për z.Labinot Kryeziun – pronar i Labi çeramikës nga Xërxa që dhuroi çeramikën dhe elementet tjera përcjellëse për një banjo, z. Nebih Q. Sejfullahun i cili falas bëri vendosjen e pllakave dhe suvatimin e banjos, z Gazmend Thaqi nga Rogova për derën dhe dritaren e banjos, z. Bedri S. Sadiku për qeramikën tjetër për sallon e korridor, si dhe donatorët tjerë që falë tyre u bë e mundur blerja e materialeve tjera për pjesën hyrëse, terasën, çatinë, kanalizimin, çasjen në ujë të pijshëm, si dhe për pagesën e mjeshtërve. Shtëpi që tani më është funksionale. Në ndërkohë do t’u njoftoj edhe për punimet në shtëpinë tjetër e cila, gjithashtu po ndodhë falë kontributit tuaj, me shpresën se do të vazhdojmë edhe me morgun por që ka një kosto goxha të lartë.
Faleminderit edhe juve për përkrahjen morale përkundër pamundësisë për të qenë pjesë e dhurimit, mos u ndjeni keq se edhe ju një ditë do të dhuroni. Zoti i madhërishëm do t’u a mundësojë.
Ju faleminderit nga zemra, së bashku mundemi edhe më shumë.
Zoti ju begatoftë me gjithë të mirat e kësaj bote dhe ju pranoftë agjërimin. Gëzuar Fitër Bajrami!
Jungjatjeta,
Selami Hoti
Kryetar i Këshillit të Fshatit Krushë e Madhe