Policia e Kosovës ka konfiskuar mbi 22 mijë euro para të gatshme që i ka gjetur në një qese në kabinën e një kamioni në pikëkalimin kufitar në Bërnjak.
Në njoftimin e lëshuar nga Policia thuhet se këto mjete kanë qenë të padeklaruara.
“Policia e Kosovës, respektivisht Policia Kufitare, në vazhdën e kryerjes së detyrave përkatëse sipas autorizimeve policore, me datën 06.12.2024 rreth orës 02:20 në pikëkalimin kufitar në Bërnjak, gjatë një kontrolli të hollësishëm kufitar, në kabinën e një kamioni me targa RKS me vozitës mashkull kosovar, kanë hasur në një qese në 22700 (njëzet e dy mijë e shtatëqind) euro, mjete monetare financiare të padeklaruara (në bankënota prej 100 dhe 200 euro).
