“Shqipëria do vijojë të jetë e përkushtuar ndaj aleancës euro-atlantike për të patur një NATO të fortë, të bashkuar dhe solidare”, ka theksuar ai.
“Në këto 16 vite, Shqipëria ka dëshmuar se është anëtare e denjë e aleancës me kontribute dhe pjesëmarrje aktive në misione dhe operacione të NATO-s.”.
Kështu ka shkruar në mediat sociale Presidenti i Republikës së Shqipërisë, Bajram Begaj, në 16-vjetorin e anëtarësimit të Shqipërisë në NATO.
Sipas Begaj, Shqipëria feston sot me krenari 16 vjetorin e anëtarësimit në aleancën më të suksesshme të mbrojtjes kolektive.
“Shqipëria do vijojë të jetë e përkushtuar ndaj aleancës euro-atlantike për të patur një NATO të fortë, të bashkuar dhe solidare”, ka theksuar ai.
Ndërkohë, ministri për Evropën dhe Punët e Jashtme, Igli Hasani, ka thënë se është një rrugëtim, i cili reflekton forcën, sigurinë dhe solidaritetin e vendit.
“Ne kemi NATO-n dhe NATO ka Shqipërinë! Me kontekstet e reja gjeopolitike do të forcojmë partneritetin me aleatët tanë, si dhe do të vazhdojmë me krenari kontributin për forcimin e paqes, sigurisë dhe stabilitetit në rajon dhe më gjerë”, nënvizon ministri Hasani, përmes një mesazhi në mediat sociale.
Sipas tij, ky rrugëtim i Shqipërisë në NATO reflekton forcën, sigurinë dhe solidaritetin, teksa shpreh krenarinë që vendi gjendet pranë aleatëve për një të ardhme me të sigurt.
Shqipëria mbetet një aleate e përkushtuar dhe e besueshme e NATO-s, aleancës më jetëgjatë dhe më të fuqishme në botë.
Anëtarësimi i saj në NATO më 1 prill 2009, është një ndër arritjet më të rëndësishme historike, për vendin dhe për mbarë kombin shqiptar.
