Kombëtarja e Anglisë e ka nisur me goleadë kampanjën e sivjetme në Kampionatin Botëror “Katar 2022”.
“Tre Luanët” që bëjnë pjesë në grupin B janë përballur sot me Iranin.Ndeshja që u zhvillua në “Khalifa” i takoi skuadrës së Gareth Southgate me rezultat të thellë, 6:2.
Bellingham (’35), Saka (’43,’62), Sterling (’45), Rashford (’71) dhe Grealish (’90) i shënuan golat për Anglinë sot.
Kurse, Iranin shënoi dygolësh Taremi në minutën e 65-të dhe në minutën e 90+13 nga pika e bardhë.Ndryshe, Anglia konsiderohet si njëra prej favoriteve për të triumfuar në kompeticionin që po mbahet në Katar.
