Kompania Rajonale Ujësjellësi “Mitrovica” ka dalë me njoftim lidhur me reduktimet e ujit si pasojë e situatës te kanali i Ibër-Lepencit.
Sipas tyre, mungesa e ujit të pijshëm ka ardhur si pasojë e punimeve të zhvilluara, që janë realizuar në mbrëmje dhe në mëngjes.
Ndërkaq rikthimi i furnizimit pritet të bëhet nga ora 12:00.
“Mungesa e ujit të pijes ka ardhur si pasojë e punimeve të zhvilluara në kanalin e Ibër Lepencit të cilat kanë ndodhur gjatë natës dhe të cilat tashmë janë tejkaluar falë punës së palodhshme të stafit të tyre dhe jo vetëm.
Tani jemi në pregatitje të rikthimit të furnizimit dhe sipas parashikimeve tona presim që trajtimi i ujit të filloj prej orës 12:00”, thuhet në njoftimin e KRU Mitrovicës.
