Debatet politike jo rrallëherë eskalojnë në gjuhë. Megjithatë, moti kohë, shumë moti, nuk ka pasur debat më të ashpër se ai i mbrëmshme në emisionin “Pressing” të T7.
Në debat u përfshin dy protagonistë. Ardian Gola, deputet i VV-së, dhe Shkëlzen Gashi, analist, kanë debatuar me një gjuhë absolutisht të papranueshme në televizion. I gjithë debati nisi në lidhje me raportet e shkruara nga ORCA, organizatë që udhëhiqet e Rron Gjinovci, të cilat i kritikoi Gola.
Pas këtyre kritikave, ndonëse Gola nuk ia përmendi emrin fare ORCA-s, reagoi Gashi, i cili tregoi se është anëtar i Bordit të ORCA. Pra, më shumë gjasë, Gashi reagoi edhe për shkak të detyrës zyrtare, pasi e mbrojti organizatën ku është anëtar bordi.
“Sarrakuq, idiotesk, turp, kqyre çfarë niveli ke, kqyre çfarë profesori e deputeti kemi…”, ishin vetëm disa nga deklaratat.
Madje, në një moment Gashi theksoi se deputeti Gola po bërtiste sikur të ishte në “ahër”.
“Turp duhet me të ardh ty, mos bërtit. Kqyre çfarë niveli ke, kqyre çfarë profesori e deputeti kemi që bërtet si në shtallë, si në ahër”, deklaroi Gashi.
Në një moment, Gashi e akuzoi Golën se e ka në interesin personal para interesit kombëtar. Kjo akuzë nuk i pëlqeu fare Golës, i cili paralajmëroi edhe padi në lidhje me këtë deklarim të Gashit.
