Nesër në Kosovë pritet të mbajë mot kryesisht i vranët për shkak të ardhjes së një fronti të dobët, të ftohtë ajror. Parashihen vranësira dhe reshje lokale bore, ndërsa në mesditë me rritjen e temperaturave në disa ultësira priten riga të dobëta shiu. Po ashtu priten intervale kohore me diell veçanërisht në Dukagjin. Erërat veriore dhe verilindore do të fuqizohen përsëri, por për afat të shkurtër.
Në Shqipëri, Maqedoninë Veriore, Mal të Zi e Kosovën lindore nesër pritet të mbajë mot paksa më i ndryshueshëm, me intervale kohore me diell dhe vranësira lokale. Rrallë në disa vise priten reshje kryesisht të dobëta shiu në disa zona më të ulëta e bore në zona paksa më të larta mbidetare.
Nga e hëna nën ndikimin e fuqishëm anticiklonik na pret mot kryesisht i kthjellët dhe me vranësira të pakta lokale. Mëngjeset do të jenë të ftohta dhe me ngrica e temperatura minimale nga -2 deri në -5 gradë Celsius.
Ditët kryesisht me diell dhe me rritje graduale, progresive të temperaturave.
