Për të Martën parashikohet të mbajë mot kryesisht me diell në pjesën e parë të ditës, ndërsa gjatë orëve të pasdites dhe mbrëmjes, priten zhvillime të fuqishme konvektive, duke sjellë rrebeshe lokale shiu, breshër e shkarkesa rrufesh, disa prej tyre të fuqishme! Pra, lokalisht priten shtrëngata të fuqishme.
Era do të fryjë drejtimesh të ndryshme, e cila në momente dhe zona të caktuara pritet të jetë mjaft e fuqishme, me shpejtësi 20-70 km/h, me ç’rast mund të ketë edhe dëme materiale!
Temperaturat minimale do të luhaten prej 17 deri në 20°C, ndërsa ato maksimale prej 32 deri në 35°C.
