Pak ditë më parë është propozuar largimi i emrit “Hasan Prishtina” nga Universiteti i Prishtinës, përmes ndryshimeve statutare të cilat janë në diskutim.
Diçka e tillë ka ardhur si pasojë që vendosja e emrit u bë shumë vite pas themelimit të universitetit, dhe në arenën ndërkombëtare jo rrallë herë është ngatërruar si institucion i ri.
Pas këtij rasti, ka ardhur reagimi i stërnipit të Hasan Prishtinës, Mehmet Prishtina, njofton Gazeta Papirus.
Ndryshimi i emrit të Universitetit “Hasan Prishtina”, reagon stërnipi i Hasan Prishtinës
Nesër me datë 02 Prill gjatë orës 11:00, tek busti i “Hasan Prishtinës” te rektorati i UP-së, do të vijë një delegacion nga Shqipëria dhe Maqedonia e Veriut.
“Mos ma prek Hasan Prishtinën” do të jetë motoja e solidarizimit për mos heqjen e emrit të “Universitetit Hasan Prishtina”.
Gjithashtu i pranishëm do të jetë edhe kryetari i qarkut të Kukësit, Safet Gjici së bashku me delegacionin e qarkut të Kukësit, historian e akademik nga Tirana, Shkupi dhe të tjerë ku do të nderojnë bustin e “Hasan Prishtinës” me nga një buqetë lule në shenjë solidarizimi, ka bërë të ditur stërnipi Mehmet Prishtina për Gazetën Papirus.
Të pranishëm do të ketë edhe nga Polaci, vendi i lindjes së Hasan Prishtinës./GazetaPapirus
