Kryetari i PSD-së, Dardan Molliqaj duke folur rreth audio-incizimeve të bisedës mes shefes së deputetëve të VV-së, Mimoza Kusari Lila me ish deputetin e Listës Serbe, Simiq, ka thënë se Kusari ka komunikuar me njeriun që është njeri prej keqbërësve më të mëdhenjë në Kosovë, me njeriun e shpallur non-grata nga SHBA-ja.
“Ti ke fol për koordinimin me 12 deputetë të Kuvendit të Kosovës, sa herë që janë koordinu me Listën Serbe ata kanë folur me Milan Radojiçiq dhe kjo i bjen që këta kanë kërkuar nga ai mbështetje politike me i përjashtu luftëtarët e UÇK-së nga një rritje prej 50 euro nga rritja e pages minimale”, tha Molliqaj.
Sipas tij nuk ka skandal më të madh.“Unë kam qenë në protestë me veteranët kur është votuar që veteranët të ndahen nga paga minimale dhe unë e di që është mbështetë nga Lista Serbe dhe kalu me mbështetjen e tyre”, tha Molliqaj në Kanal 10.
Molliqaj tha tutje se ka menduar që Lista Serbe natyrshëm do me i ndëshku ish luftëtarët e UÇK-së, por ja që doli koordinim i Kurtit me Radojiçiq përnes Mimoza Kusarit dhe Simiq. Ai Simiqin dhe Kusarin i ka quajtur postierë, të deleguar nga Kurti dhe Radojiçiq.
