Dardan Molliqaj, kryetar i PSD-së, ka reaguar pas përmbytjeve në disa pjesë të Kosovës, ku më së rendi e ka pësuar Skenderaj me rrethinë.
Ai e ka kritikuar qasjen e kryeministrit Kurti dhe ministrave të tij në këtë situatë.
“Si është e mundur, si, që edhe në fatkeqësi natyrore të bëhen dallime të tilla? Kryeministri zgjodhi Istogun për vizitë, larg vërshimeve të mëdha, ndërsa Sveçla luan burokratin e kërkon procedura”, ka shkruar Molliqaj.
Ai këto i ka quajtur dallimet klasore, duke thënë se këto dallime me ato politike kurrë më shumë nuk kanë qenë të dukshme e të territorializuara sesa sot.
“Kështu duket segregimi kulturor dhe ndarja klasore. Drenica në baltë ishte lënë nga regjimin jugosllav. Ky diferencim, në një kuptim po mbetet ende gjallë. Skenderaj edhe sot në baltë.
Kurti nuk e tejkalon dot vetën. Nuk shkon për vizitë atje ku nuk i duartrokasin. Egoja mbi të gjithë/a”, ka shkruar ai.
