Modric: Nuk do të bëj atë që e bëri Mbappe

Luka Modric ende nuk e ka vazhduar kontratën me Real Madridin. Pasi Kylian Mbappe zgjodhi PSG-në në vend të Realit, tifozët e kampionëve spanjollë kanë frikë se mund të mbeten edhe pa Modric.

“Unë nuk do të bëj atë që bëri Mbappe. Sigurisht që nuk do ta bëj. Por le të mos ma bëjë këtë as klubi”, tha kapiteni 36-vjeçar i kombëtares kroate në një intervistë për Marca.


“Po flasim për një kontratë të re, kemi një marrëdhënie të mirë, ka shumë besim mes nesh dhe do të ndodhë ajo që duhet të ndodhë. Tani të gjithë jemi të interesuar vetëm për finalen e Champions League dhe nuk dua të mendoj për asgjë tjetër”.

Ndeshja finale e Ligës së Kampionëve luhet të shtunën nga ora 21:00 mes Realit dhe Liverpoolit.