Modelja braziliane zbulon se çfarë mesazhe i vinin nga Pique

Skandalet duket se janë gjithmonë afër për Barcelonën dhe Gerard Pique është në krye të tyre për momentin.

Reputacioni i qendërmbrojtësit të katalonasve ka marrë një goditje masive pas akuzave të fundit për tradhti dhe ky raport i fundit i publikuar nga Marca vetëm sa po i shton benzinë zjarrit.

Sipas botimit spanjoll, Gerard Pique dyshohet se i ka dërguar mesazhe intime modeles braziliane, Suzy Cortez.

Mbrojtësi 35-vjeçar thuhet se ka qenë në kontakt të drejtpërdrejtë me modelen e Instagramit për një periudhë të konsiderueshme kohore.

Suzy Cortez foli për gazetën me bazë në Nju Jork, El Diario NY dhe zbuloi se ajo u takua me qendërmbrojtësin përmes ish-presidentit të Blaugranas, Sandro Rosell.

“Ishim miq me ish-presidentin e Barcelonës, Sandro Rosell. Kur Pique e mori vesh, më kërkoi numrin dhe më dërgoi një mesazh. Kur u ktheva në Brazil, më dërgoi një mesazh direkt në Instagram – të cilin e fshiu. Ai më shkruante çdo ditë – duke më pyetur se kur do të kthehesha në Evropë dhe gjithmonë më pyeste se sa e madh ishte prapanica ime”, u shpreh Cortez.

Suzy Cortez nuk është përmbajtur në intervistën e saj dhe i ka dhënë Gerard Pique një goditje tjetër. Sipas citimeve të saj, ish-lojtarët e Barcelonës, Lionel Messi dhe Philippe Coutinho ishin të vetmit anëtarë të skuadrës në atë kohë që nuk i dërgonin mesazhe të atij lloji.

“Ai [Pique] ishte që më dërgoi mesazhin më të drejtpërdrejtë. Të vetmit lojtarë të Barcelonës që nuk më dërguan kurrë asgjë ishin Messi dhe Coutinho. Ata janë burra të mrekullueshëm dhe i respektojnë shumë gratë e tyre”, deklaroi ajo.