Të premten një grua u arrestua në Jarinjë nga institucionet e sigurisë së Kosovës është nga komuniteti serb dhe raportohet se punon në misionin e OSBE-së në Kosovë.
Sipas informacioneve ajo dyshohet se i ofronte informacione Agjencisë së Inteligjencës së Serbisë (BIA).
Në lidhje me këtë ka reaguar edhe Misioni i OSBE-së ne Kosovë, teksa u shprehën se janë në kontakt me përfaqësuesin e tyre ligjor.
Tutje ata thanë se nuk mund ta komentojnë situatën për shkak të hetimeve.
Njoftimi i plotë:
Misioni i OSBE-së në Kosovë është në dijeni të raportimeve të mediave lidhur me ndalimin e një anëtari të Misionit. Ne jemi në kontakt me përfaqësuesin e tyre ligjor dhe po monitorojmë nga afër mirëqenien e tyre në përputhje me detyrën tonë të kujdesit.
Përderisa Misioni nuk mund të komentojë më tej për këtë rast për shkak të hetimeve në vazhdim, mbetemi të përkushtuar për të bashkëpunuar me autoritetet përkatëse.
Misioni është në kontakt si me institucionet përkatëse ashtu edhe me Sekretariatin e OSBE-së në Vjenë për të siguruar respektimin e procesit të duhur.
