Analisti Ilir Mirena ka komentuar rezultatet e Exit-Pollit të realizuara nga gazetari Baton Haxhiu.
Sipas këtyre rezultateve, Vetëvendosje, që në zgjedhjet e vitit 2021 kishte 51%, ka rënë në 37%.
Sipas Mirenës, ky është një lajm shumë i rëndësishëm, pasi me këto rezultate bien iluzionet e partisë që ishte në pushtet për referendum.
“Rezultati i pritur në pushtet, iluzioni i tyre për 500 mijë vota, për 50% dhe 70%, sot është shkërmoq. Nuk mund të flasin më për referendume për 50% dhe 500 mijë, kështu që për mua kjo është përmbyllja e kësaj periudhe, dhe kjo është shumë e rëndësishme, pasi nuk do të kemi më parti në pushtet që të krekosen”, tha ai në emisionin Pressing.
