Ministrja e Industrisë, Ndërmarrësisë dhe Tregtisë (MINT), Rozeta Hajdari, gjatë ditës së mërkurë kishte njoftuar se kishte vizituar qytetarët dhe bizneset në Komunën e Mitrovicës pas vërshimeve, raporton Demokracia.com.
Ajo kishte treguar se kishte vizituar edhe Qendrën Multifunksionale Omni Spor, ku përveç dëmeve materiale kishte rrezikuar jetën edhe një person i stafit.
Kurse, Drejtori për Ekonomi Zhvillim dhe Turizëm në Komunën e Mitrovicës, Elvis Feka, i ka reaguar ashpër ministres, Rozeta Hajdari, në lidhje me mos përkrahjen ne bizneseve në këtë komunë.
Feka ka thënë se ministrja Hajdari nuk e ka nënshkruar një memorandum bashkëpunimi për financimin e zonës ekonomike në Frashër të Mitrovicës, duke prezantuar edhe e-mailat si dëshmimi për këtë.
Në e-emilat shihet se Komuna e Mitrovicës kishte kërkuar nga MINT, arritjen e një memorandumi të bashkëpunimit për financimin e Zonës Ekonomike në Frashër.
