Ministria e Mbrojtjes ka njoftuar kandidatët për rekrut në Forcën e Sigurisë së Kosovës se intervistimi i tyre do të bëhet nga 26 deri më 30 prill.
Sipas njoftimit, intervistimi do të bëhet në pesë kazermat e FSK-së: Kazerma “Adem Jashari” në Prishtinë, Kazerma “Skënderbeu” në Ferizaj, Kazerma “Ushtarët e Nato-së” në Istog, Kazerma “Minatori” në Mitrovicë, Kazerma “Neë Born” në Gjilan.
“Kandidatët e ftuar në ditën e intervistës duhet të kenë me vete: 1. Fletë dëshminë e aplikimit (numri unifikues personal); 2. Letërnjoftimin ose pasaportën si dokument identifikimi, 3. Kandidatët duhet të paraqiten 15 minuta para kohës së orarit të publikuar; 4. Kandidatët duhet të kenë maska mbrojtëse kundër COVID 19; 5. Kandidatëve gjatë intervistimit NUK ju lejohen telefonat, orët e mençura dhe çdo pajisje tjetër digjitale”, thuhet ndër të tjera në njoftim.
Njoftimi i Ministrisë së Mbrojtjes:
https://mod.rks-gov.net/?page=1%2C713&fbclid=IwAR2QdCtI4SYXy4I-5J13I_ee2kjhPC2CoRK7ha459EzAXOuoA3oGgy0-eag
