Ministria e Mbrojtjes ka reaguar pas raportimeve të Gazetës Insajderi, se pesë ushtarë të Forcës së Sigurisë së Kosovës (FSK) janë helmuar, derisa kanë ngrënë ushqim në kazermën “Newborn” në Gjilan.
Ministria ka konfirmuar se kanë marrë mostrat e ushqimit ku kanë ngrënë ushtarët dhe janë në pritje të rezultateve.
Janë marrë mostrat e ushqimit dhe jemi duke pritur rezultatet e analizave që do të mundësojnë identifikimin e shkaktarëve të mundshëm, që kanë rezultuar me çrregullimin shëndetësor të pjesëtarëve tanë”, thueht në njoftim.
Më tej në njoftimin e ministrisë thuhet se të gjithë pjesëtarët e FSK-së që kanë marrë trajtim mjeksorë janë mirë.
“Me të marrë informacionin, SHP i FSK-së ka marrë masat e duhura sipas procedurave standarde operative dhe deri më tani kemi të konfirmuar se të gjithë pjesëtarët që kanë kërkuar ndihmë mjekësore, tani janë shëndosh e mirë dhe nuk ka asnjë arsye për shqetësim”, thueht në njoftimin e Ministrisë së Mbrojtjes.
