Qeveria e Kosovës i hapi rrugë themelimit të muzeut për dokumentimin e krimeve të luftës, por kjo nuk u përkrah nga ministri për komunitete dhe kthim, Nenad Rashiq.
Ai abstenoi të mërkurën në mbledhjen e Qeverisë për Muzeun e Gjenocidit dhe Përpjekje për Liri dhe tha se krimet nuk duhet të gjeneralizohen.
“Sepse konsideroj se çdo krim ka emër dhe mbiemër dhe nuk duhet të gjeneralizohen krimet sikur në këtë pikë”, ka deklaruar Rashiq për Kohën.
