Ministri Aliu pranon se është takuar me Halil Jahajan

Ministri i infrastrukturës, Liburn Aliu duke folur për publikimet e përgjimeve në të cilat pretendohet përfshirja e tij në korrupsion, ka treguar se e njeh Halil Jahajn. Tha se e ka takuar në Vetëvendosje.

“Halil Jahaj e kam takuar në VV. Është inxhinier i ujërave dhe e njeh lëminë e ujërave dhe kemi diskutuar lëminë e ujërave”, tha Aliu.

“Ky (Halil Jahaj) nuk është në përgjim”, shtoi ai.

“Doli një zyrtar i kompanisë në të cilën as ky (Halil Jahaj) nuk është pronar. Bëhet fjalë për një kompani, Infratek të cilën unë e njoh për herë të parë e cila në vitin 2018 e ka kontratën e cila e ka bërë projektimin e asaj rruge me 100 mijë probleme e defekte”, tha Aliu në T7.