Milani ka triumfuar 2-0 në shtëpi ndaj Lazios në kuadër të javës së 34-të në Serie A.
Pas 17 minutash lojë, Rossonerët kaluan në epërsi me anë të Ismael Bennacer që u asistua prej Olivier Giroud.
Për 2-0 u përkujdes Theo Hernandes (29’), ndërsa asistues që rrallë mund ta shikojmë – portieri Mike Maignan.
Në 45 minutat e dytë, ishte qetë për sa i përket numrit të golave, por jo edhe nga rastet.
Dy skuadrat kishin mundësi të arta të shënonin, por u mungoi konkretizimi.
Pas javës së 34-të, Lazio ka 64 pikë, ndërsa Milani është me tri më pak, ndërsa në xhiron e 35-të, Rossonerët do të kenë punë me Spezian.
