Pak ditë pas përvjetorit të aksidentit të tij të tmerrshëm në ski, Michael Schumacher ka një tjetër përvjetor, por këtë herë të lindjes: mbush 53 vjeç. I lindur më 3 janar 1969 në Hurth, Schumi shkroi faqe legjendare të Formula 1, veçanërisht me Ferrarin, që nuk e ka harruar pilotin që e ktheu në majat më të larta të Cirkusit të madh. “Ne jemi të gjithë me ty Michael. Sot dhe çdo ditë”, ishte mesazhi në rrjetet sociale i Maranellos.
We’re all with you, Michael.
Today and all days ❤️ #essereFerrari ???? @schumacher pic.twitter.com/Chmy53QzFc
— Scuderia Ferrari HP (@ScuderiaFerrari) January 3, 2022
URIMET E JEAN TODT
Ndër urimet më prekëse, nuk mungoi ai i ish-drejtorit të skuadrës së Ferrarit, Jean Todt. Francezi, i cili së fundi përfundoi detyrën e tij si President i FIA-s, iu drejtua mikut të tij me një mesazh të shkurtër të postuar në Twitter: “Gëzuar ditëlindjen Michael! Në këtë ditë të veçantë ne festojmë për një legjendë të madhe të F1 dhe një mik të dashur. Vazhdo të jesh frymëzim për të gjithë ne. Gjithë dashurinë time për rastin e ditëlindjes tënde”.
