Lionel Messi e kompletoi karrierën e tij me fitimin e Kupës së Botës, trofe i cili u mungonte prej kohësh yllit të futbollit, shkruan Demokracia.com.
Argjentina me në krye Lionel Messin fituan Kupën e Botës për herë të parë nga viti 1986, duke triumfuar në finale kundër Francës.
Në të shumtën e pamjeve pas ndeshjes, Messi u shfaqte me trofeun e Kupës së Botës.
Shtatë herë fituesi i Topit të Artë trofeut të çmuar nuk i ndahet edhe gjatë fluturimit me aeroplan gjatë kthimit të reprezentacionit në Argjentinë.
Është vetë Messi që ka publikuar në Instagram fotografi me trofeun e Kupës së Botës, duke mos e shkruar as edhe një fjalë.
Më shumë se një orë që nga publikimi në rrjetin social, Messi ka marrë afër 12 milionë pëlqime.
Në total, trofeu i Kupës së Botës i fituar në Katar ishte i treti në histori për Argjentinën.
