Lionel Messi është paraqitur në konferencë për shtyp para ndeshjes së parë të Argjentinës në këtë Botëror.
Argjentina do ta nis kampionatin me një përballje ndaj Arabisë Saudite. Messi, para ndeshjes ka thënë se kombëtarja e tij është me synim te triumfi final dhe se ky kampionat është special për të.
“Kupa e Botës është speciale për mua. Ndoshta e fundit për të provuar që ta përmbush ëndrrën time”, ka thënë Messi, transmeton lajmi.net.
“Gjithmonë kam thënë se dua më shumë dhe ne duhet të provojmë përsëri e përsëri. Unë gjithmonë dua më shumë, shpresoj se do të bëjmë mirë”, shtoi ikona argjentinase.
Ndeshja mes Argjentinës dhe Arabisë Saudite do të luhet nesër.
